Të martën KALLXO.com-i raportoi se lënda e rastit të kryetarit të Prizrenit Ramadan Muja dhe pesë zyrtarëve tjerë komunalë, edhe pas katër muajve ende nuk kishte shkuar në Gjykatën e Apelit, por një gjë e tillë ka ndodhur dje.
“Sot ka arritur lënda e kryetarit Muja në Gjykatën e Apelit”, tha zëdhënësi i kësaj gjykate.
Muja, së bashku me pesë zyrtarët komunalë të Prizrenit më 13 mars ishte shpallur fajtor dhe ishte dënuar nga gjykata Themelore e Prizrenit, e udhëhequr nga gjykatësi ndërkombëtar Vladimir Mikula.
Mbrojtja kishte parashtruar ankesa ndaj vendimit të shkallës së parë brenda afatit ligjor.
Sipas EULEX-it ankesat ishin paraqitur në Gjykatën Themelore në Prizren nga 20, 27 dhe 28 maj.
“Ankesat janë dërguar për përkthim dhe për shkak të gjatësisë së tyre, u desh kohë për t’u përkthyer’’, tha të martën Eldita Tarani nga Zyra për Informim e EULEX-it.