Rektori i Universitetit “Ukshin Hoti” në Prizren, Prof. Dr. Ramë Vataj, të hënën ka pritur në takim drejtorin ekzekutiv të organizatës CNVP(Building a Greener Economic Environment), z. Ross Bull, me të cilin ka diskutuar për mundësinë e lidhjes së një memorandumi të bashkëpunimit.
Rektori Vataj theksoi se e mirëpret bashkëpunimin me organizatën në fjalë, duke e konsideruar të nevojshëm për ngritjen e kapaciteteve të Fakultetit të Shkencave të Jetës dhe Mjedisit.
z. Ross Bull, drejtor ekzekutiv i organizatës CNVP, theksoi se objektiv i tyre është që të lidhin bashkëpunim me partnerë të ri në sektorin privat, publik dhe në universitete dhe në këtë kuadër është i mirëseardhur bashkëpunimi edhe me Universitetin e Prizrenit.
Në këtë takim palët e pajtuan që të nisin me draftimin e memorandumit të bashkëpunimit që pritet të nënshkruhet në një të ardhme të afërt.
CNVP fokusohet në ndërtimin e një mjedisi ekonomik të gjelbër. Përdor analiza të bazuara në dëshmi për të përmirësuar jetesën e qëndrueshme të komuniteteve rurale dhe shoqërisë civile të prekura nga procesi i vazhdueshëm i ndryshimeve mjedisore dhe klimaterike.
Përforcimi i kapaciteteve të CNVP përfshin: menaxhimin e qëndrueshëm të pyjeve; ndryshimin e klimës, mjedisin dhe menaxhimin e burimeve natyrore; zhvillimi agro-rural; energjisë së rinovueshme dhe menaxhimit të mbetjeve, duke përfshirë ndotjen ndërkufitare të ujit; mobilizimi i komunitetit, shoqëria civile dhe qeverisja; si dhe çështjet e pranimit në Evropë dhe çështjet përkatëse të politikave.
CNVP aktualisht është aktive në Shqipëri, Bosnjë Hercegovinë, Kosovë, Maqedoni, Mal të Zi dhe Serbi.