13 C
Prizren
E martë, 13 Maj, 2025

Rexhepi: Kosova është shteti i vetëm në Ballkan, pa viza

rexhepi ne upzMinistri i Punëve të Brendshme, Bajram Rexhepi, të martën ka mbajtur një ligjëratë para studentëve të Universitetit të Prizrenit “Ukshin Hoti”. Tema e ligjëratës ishte “Procesi i liberalizmit të vizave”.

Në ligjëratën e tij , Rexhepi u ndalë në punët që kanë bërë institucionet e Kosovës për përmbushjen e kritereve për liberalizmin e vizave. Ai po ashtu foli edhe për punët që duhet bërë që të arrihen standardet e përcaktuar.

“Puna më e madhe sa i përket përmbushjes së kritereve për liberalizim të vizave, i takon Ministrisë së Punëve të Brendshme. Në Ballkanin Perëndimor i vetmi shtet që ka mbetur jashtë procesit të liberalizmit të vizave është Kosova dhe kjo është një ndjenjë e keqe”, tha Rexhepi.

“Shpesh në takime me ndërkombëtar kërkojmë që ky proces të përshpejtohet, mirëpo nuk ka një qasje shumë humane sa i përket këtij procesi. Ata janë shumë strikt dhe kërkojnë që të përmbushen kushtet dhe të përgatitemi në mënyrë që të fitojmë të drejtën që të lëvizim pa viza”.

Prof. dr. Zahadin Shemsedini, u. d. Rektor i UPZ-së theksoi ndërkaq se për studentët është shumë e rëndësishme që të bëhet liberalizimi i vizave,pasi që Universiteti punon sipas sistemit të Bolonjës.

Ai theksoi se regjimi i vizave u vështirëson studentëve që të studiojnë në universitet evropiane, dhe se liberalizimi i vizave do tu ndihmonte shumë atyre./PrizrenPress.com/

 

Më Shumë

Gjenden katër motoristët nga Suhareka që humbën rrugën në afërsi të Shtërpcës

Shoqata e Kosovës për Kërkim-Shpëtim ka njoftuar se motoristët që kishin humbur rrugën në afërsi të qytetit të Shtërpcës janë gjetur. Sipas njoftimit, pas pranimit...

Trajneri i Bashkimit flet para ndeshjes me Trepçën: Askush s’është i pathyeshëm, ne do ta fitojmë trofeun

Superliga e Kosovës në basketboll po shkon drejt fundit dhe tashmë ka nisur seria finale. Pas një super sezoni, Klubi Basketbollistik, “Bashkimi” dhe “Trepça”, kanë...

Lajmet e Fundit