Pas ndeshjeve në Kupë dhe dy ndeshjeve të Përfaqësueses së Kosovës, sot (e mërkurë) rikthehet Superliga e Kosovës në basketboll.
Gjatë ditës së sotme do të zhvillohen dy ndeshje në kuadër të javës së 20-të në elitën e basketbollit kosovar.
Pas triumfit në Kupë, Sigal Prishtina në kryeqytet e pret skuadrën nga Gjakova, Vëllaznimin.Kjo ndeshje zhvillohet nga ora 15:00 në Pallatin e Rinisë dhe të Sporteve dhe do jetë ndeshje hapëse e kësaj jave.
Kurse, ndeshje tjetër zhvillohet mes Rahovecit dhe Trepçës në ‘Mizahir Isma’ nga ora 17:00.
Kujtojmë se nesër (e enjte) takohen Ponte Prizreni – Bashkimi dhe Golden Eagle Ylli – Peja.