23.8 C
Prizren
E shtunë, 13 Prill, 2024

Rikuperimi i Pogba-s mund të zgjatet edhe për disa javë tjera

Paul Pogba mungoi në fitoren e Juventus-it ndaj Sampdoria-s për shkak të lëndimit dhe tani ka frikë se ai mund të përjashtohet nga fusha për disa javë.

Kthimi i francezit në Torino nuk ka shkuar sipas planit, pasi ka humbur 34 nga 37 ndeshje në të gjitha garat që nga fillimi i këtij sezoni.

Një dëmtim i rëndë në gju dhe operacioni që rezultoi e kanë goditur rëndë Pogba-n gjatë gjashtë muajve të fundit dhe durimi ka filluar të dobësohet në Torino.

Gjithashtu edhe sjellja e Pogba-s jashtë fushës i ka shqetësuar tifozët e Juventus-it, të cilët thuhet se ishin të zemëruar që e panë atë duke bërë ski gjatë pushimeve dimërore, duke besuar se ai nuk po i merr gjërat seriozisht në Torino.

Paul Pogba pourrait être absent des terrains un mois suite à sa nouvelle blessure musculaire. ?

La Juventus est lassée par la situation.

Pogba a été indisponible lors de 34 des 37 matches de la Juve cette saison.

(@Gazzetta_it) pic.twitter.com/1bqmjrWdTN — Actu Foot (@ActuFoot_) March 13, 2023
Siç raportohet nga “La Gazzetta dello Sport”, Pogba humbi fitoren e Juventus-it ndaj Sampdoria-s për shkak të një problemi muskulor dhe tani po shfaqen frika se ai mund të ketë pësuar një tendosje tjetër në muskuj, një çështje që do ta linte jashtë për rreth një muaj.

Bardhezinjtë gjithashtu kanë filluar të bëhen të paduruar me Pogba dhe mund të fillojnë të shqyrtojnë opsionet e tyre përpara afatit kalimtar të verës.

Fituesi i Kupës së Botës në vitin 2018 është kontraktuar me Juventus-in deri në qershor 2026 dhe fiton gjithsej 10 milionë euro neto në sezon, ku 8 milionë euro janë një tarifë fikse dhe 2 milionë euro të tjera janë shtesë.

Pogba në këtë sezon numëron vetëm 35 minuta të luajtura gjatë dy ndeshjeve.

Më Shumë

Zhduket një person në Prizren

Një person është zhdukur në Prizren. Policia është duke hetuar rastin. “Ankuesi ka raportuar se djali i tij me datën e cekur ka dalë nga shtëpia...

Gjermania sot i dhuron automjete FSK-së

Sot në kazermën e FSK-së “Adem Jashari” do të mbahet ceremonia e pranim-dorëzimit të donacionit me automjete nga Republika Federale e Gjermanisë për Forcën...

Lajmet e Fundit