Terree Bowers është emri i cili shumë shpejt mund të jetë avokat i dytë i kryetarit të Skenderajt, Sami Lushtaku, krahas Arianit Kocit.
I dyshuar për krime lufte nga EULEX-i, Lushtaku po planifikon ta angazhojë avokatin e njohur amerikan nga Los Anxhelos, që bashkë me avokatin vendës, ta hartojnë planin dhe mbrojë atë.
Bowers që ka shërbyer në SHBA në pozita të ndryshme në sistemin amerikan të drejtësisë, ka aplikuar për licencë në Odën e Avokatëve të Kosovës, shkruan Tribuna.
Flamur Ramadani, zëdhënës i Odës së Avokatëve, e konfirmon se avokati amerikan Terree Bowers, ka aplikuar për licencë në këtë institucion në mënyrë që të ketë të drejtë të veprojë në Kosovë.