Jeta dhe karriera përplot me probleme e këngëtares britanike Amy Winehouse, do të jetë subjekt i dokumentarit “Amy”, me regji të Asif Kapadia, që lansohet me 3 qershor të këtij viti.
Dokumentari paraqet lidhjet romantike të këngëtares, betejat e saj me median, muzikën e saj të veçantë nga dy albumet që publikoi, si dhe incizime dhe këngë të cilat nuk janë publikuar asnjëherë më parë.
Sipas Deadline, tashmë ka një poster për filmin, si dhe së shpejti pritet të dalë traileri i parë.
Winehouse vdiq nga helmimi me alkool në korrik të 2011-ës, kur ishte vetëm 27 vjeçare. Albumi i saj më i famshëm, “Back to Black”, ishte ndër më të shiturit e këtij shekulli. Pas suksesit të madh muzikor, Winehouse pati probleme ligjore, abuzim me substanca, si dhe tjera probleme të shëndetit mendor.