Në festivalin e Këngës së Eurovizionit që mbahet në muajin maj në Kopenhagë të Danimarkës, Zvicra do të përfaqësohet nga këngëtari tesinez Sebalter, që është emër artistik i Sebastiano Paù-Lessie.
Ai ka marrë më së shumti mbështetje, si nga juria ashtu dhe nga publiku, në mesin e gjithsej gjashtë finalistëve të spektaklit te mbajtur të shtunën në sallën “Bodensee Arena” të Kreuzlingenit, raporton Albinfo.ch.
Sebalter vjen nga lokaliteti Giubiasco afër Bellinzonës ndërsa kënga e tij fituese mban titullon “Hunter of Stars” (Gjahtar yjesh). Ai do të përfaqësojë Zvicrën në festivalin evropian të kënges që mbahet më 8 maj.
Finalja e përzgjedhjes së përfaqësuesit të Zvicrës në Eurovizion është transmetuar drejtpërdrejtë nga SRF, pastaj Televizioni i Zvicrës Perëndimore (frankofone) RTS dhe ai i Zvicrës italiane RSI.