6.8 C
Prizren
E hënë, 5 Dhjetor, 2022

Sekuestrohen mbi 4 mijë e 600 litra vaj pa dokumentacion në Rahovec

Në Rahovec ka filluar inspektimi i marketeve, ku janë konfiskuar mbi 4 mijë e 600 litra vaj pa dokumentacion të origjinës.

Lajmin e ka bërë të ditur Drejtoresha e Inspektoratit në Komunën e Rahovecit, Nora Boshnjaku.

Ajo ka thënë se Inspektorati i Tregut në këtë komunë është duke inspektuar intensivisht operatorët ekonomikë për ngritjen e menjëhershme të çmimeve të produkteve esenciale.

Njoftimi i plotë:

Inspektohen marketet në komunën e Rahovecit, sekuestrohen 4676 litra të vajit, në mungesë të dokumentacionit të origjinës.

Drejtoria e Inspektoratit, Inspektorati i Tregut, po inspekton intensivisht operatorët ekonomikë për ngritjen e menjëhershme të çmimeve të produkteve ushqimore esenciale, siç janë vaj ushqimor, mielli, sheqeri e të tjera.

Këto veprime të tregtarëve përbëjnë mashtrim të konsumatorit, praktikë të padrejtë tregtare dhe konkurrencë të padrejtë, andaj Inspektorati i Tregut po merr masa ndëshkuese dhe çdo veprim tjetër të përcaktuar me ligj.

Gjatë këtyre dy ditëve po kryejmë inspektime intensive dhe  inspektorët e tregut kanë konstatuar parregullësi, poashtu kanë marrë masa në përputhje me ligjin: gjoba si dhe masa të tjera administrative. Në një rast inspektorët komunal të tregut gjatë inspektimit të një operatori ekononik (Mega Market) kanë sekuestruar 4676 litra të vajit, në mungesë të dokumentacionit të origjinës !

Për çdo mashtrim që mund të ndodhë gjatë blerjeve e në veçanti për çmime, qytetarët luten të njoftojnë menjëherë Departamentin për Mbrojtjen e Konsumatorit në numrin e telefonit 0800 11000 ose në platformën https://konsumatori.rks-gov.net/

DPI gjithashtu fton bizneset të veprojnë në mënyrë të ligjshme dhe të ndërgjegjshme.

Organet kompetente – MINT dhe Inspektorati i Tregut, në bashkëpunim me Administratën Tatimore, Doganën dhe Drejtorinë për Hetimin e Krimeve Ekonomike të Policisë së Kosovës – po vëzhgojnë gjendjen dhe po marrin masat e duhura sipas ligjit. /Telegrafi/

Më Shumë

Agim Ademi për vdekjen e 17-vjeçarit: Djalosh shembullor dardan, do ta kujtojmë përherë

Kryetari i Federatës së Futbollit të Kosovës, Agim Ademi, ka reaguar pas vdekjes së futbollistit 17-vjeçar, Erion Kajtazi. Ademi thotë se është thellësisht i tronditur...

Sot varroset futbollisti i Trepçës 89 dhe Kosovës, vdiq dje në fushë nga sulmi kardiak

Erion Kajtazi, lojtari i Trepçës 89 dhe Kombëtares së Kosovës U17 do të varroset sot në orën 14:30. Varrimi do të bëhet në fshatin Zasellë. Lajmin...

Lajmet e Fundit