Gati 10 mijë serbë të Kosovës sot posedojnë dokumente të Republikës së Kosovës. Numri i serbëve që janë pajisur me letërnjoftime të Kosovës po shënon rritje të ndjeshme krahasuar me vitet e kaluara, shkruan Tribuna.
Sipas zyrës për informim të Ministrisë së Punëve të Brendshme, edhe numri i dokumenteve të udhëtimit që merren nga pjesëtarët e pakicës serbe ka filluar të rritet.
Deri në javën e parë të muajit shtator janë prodhuar rreth 900 pasaporta kosovare për qytetarë të nacionalitetit serb.
Eksperti i sigurisë, Naim Maloku shprehet se pajisja me dokumente identifikuese është një tregues i mirë që këto minoritete janë integruar tërësisht në mekanizmat kosovarë. Sipas tij, me marrjen e pasaportës kosovare këto minoritarë kanë pranuar edhe shtetësinë e Kosovës.