Xherdan Shaqiri është në prag për të barazuar një rekord të vjetër, plot 50-vjeçar te Stoke City. Kjo mundësi do t’i jepet në ndeshjen e fundjavës ndaj Southamptonit, përcjell “StokeSentinel” të martën.
Dueli ndërmjet Southamptonit e Stoket zhvillohet të shtunën (16:00) dhe i takon xhiros së 29-të të kampionatit anglez, transmeton Koha Ditore.
Askush më shumë sesa njeriu që e mban rekordin nuk dëshiron që ai të barazohet e më pas të thyhet nga Shaqiri, i cili është lojtari kryesor te ekipi anglez.
Terry Conroy është lojtari i fundit te Stoke City që ka realizuar gola në katër ndeshje rresht në elitë dhe Shaqiri është ai që mund të barazojë këtë rekord, pasi në tri ndeshjet e fundit ka realizuar për Stoken. Conroy në edicionin 1968/69 kishte realizuar në katër ndeshje rresht. (