0.8 C
Prizren
E diel, 29 Janar, 2023

SHBA ndihmon FSK-në të transformohet në FAK

20140713144823109646Ndihmës sekretarja amerikane e mbrojtjes, Evelyn Farkas ka takuar ndaras ministrin e FSK-së, Agim Çekun dhe komandantin e Forcës së Sigurisë së Kosovës, gjenerallejtënant, Kadri Kastratin.

Sipas një komunikate të Ministrisë së FSK-së, gjatë takimit me ministrin Çeku, Farkas ka premtuar se “edhe në të ardhmen SHBA do ta ndihmojë dhe mbështes FSK-në në transformimin e saj në Forcë të Armatosur të Kosovës”.

Ndihmës sekretarja e mbrojtjes, Farkas, gjithashtu pati takim edhe me komandantin e FSK-së, gjenerallejtënant Kadri Kastratin.

“Gjeneral Kastrati e informoi Farkas rreth angazhimeve të FSK-së, për operacionet e vazhdueshme të deminimit, kërkim – shpëtimit dhe ato humanitare. Theks të veçantë në këtë takim iu kushtua stërvitjes, shkollimit dhe edukimit të pjesëtarëve të FSK-së. Të dyja palët u dakorduan se bashkëpunimi do të vazhdojë edhe në të ardhmen përmes programeve të partneritetit me Gardën Kombëtare të Iowas dhe Ambasadës amerikane”, thuhet në fund të komunikatës së ministrisë së FSK-së.

Më Shumë

59 aksidente për 24 orë

59 aksidente kanë ndodhur gjatë ditës së fundit në Kosovë. 26 aksidente ishin me të lënduar, ndërkaq 33 përfunduan me dëme materiale, ka njoftuar Policia...

Grabitësi i armatosur vodhi 10,000 euro nga filiali i institucionit financiar në Prizren

10,000 euro i ka marrë grabitësi në institucionin mikrofinanciar në Prizren të premten. Menaxherja e filialit ka thirrur policinë pasi personi i maskuar dhe i...

Lajmet e Fundit