Pas barazimit të Lirisë me Besën (2:2), trajneri i skuadrës prizrenase, Bledi Shkëmbi, e ka ritheksuar qëndrimin e tij se Liria nuk është kandidate serioze për titullin e kampionit. “Pavarësisht fjalëve dhe dëshirës së shumëkujt, ne edhe sot treguam se kemi defekte dhe nuk jemi për titull”, është shprehur Shkëmbi pas ndeshjes për Super Sport Kosova.
“Në fillim dukej sikur e nënçmuam rivalin, në pjesën e dytë ishim pak më të kthjellët, por ishte shumë vonë. Normalisht që unë e marr përgjegjësinë, pasi duket se nuk kam arritur ta përgatis mirë skuadrën gjatë pauzës që e patëm”, ka shtuar numri një i bankinës së Lirisë.