Komuna e Prizreni sot në bashkëpunim me organizatën zvicerane, Caritas, ka bërë shpërndarjen e pajisjeve bujqësore për përfituesit nga projekti “Prosperiteti i prodhimtarisë agrare në Kosovë nga investimet e qëndrueshme rurale – PASURI”.
Me rastin e ndarjes së këtyre pajisjeve prezentë ishin edhe kryetari i Komunës së Prizrenit, Mytaher Haskuka, nënkryetari Eshref Memaj, drejtori i Drejtorisës së Bujqësisë dhe Zhvillimit Rural, Egzon Elshani, si dhe përfaqësues të organizatës Caritas.
Pajisjet e shpërndara sot përfshijnë sistemin e ujitjes, rrethojat dhe pesticidet që i përshtaten kulturave të këtij projekti si kultivimi i dredhëzave, mjedrave, boronicës dhe bimëve mjekuese aromatike.
Nga ky projekt janë përzgjedhur 14 përfitues, lista e së cilës është shpallur në muajin mars: https://kk.rks-gov.net/…/perfituesit-e-granteve-nga-projek…/
Fermerët përfitues për këtë projekt kanë participuar me 15%, derisa Caritasi dhe Komuna kanë participuar me nga 50%, përkatësisht 35%, të shumës së përgjithshme.
Në kuadër të këtij projekti do të bëhet po ashtu edhe ofrimi i mbështetjes, këshillimit dhe certifikimi i fermerëve përfitues.
