Në seancën e parë të sesionit të ri parlamentar, mazhoranca ka rrëzuar 5 dekretet e Presidentit të Republikës, i cili ktheu për rishqyrtim në Kuvend ligjin për Shkollën e Magjistraturës, Gjykatën Administrative, për ligjin e Këshillit të Lartë të Drejtësisë, Policinë e Shtetit dhe reformën administrativo–territoriale.
Për kryeministrin Rama, përmes dekreteve, kreu i shtetit ka goditur jo thjesht disa ligje, por disa prioritete kombëtare. Ai përmendi ndryshimet në ligjet që sipas tij lidhen me reformën në drejtësi, ndryshimet në ligjin për Policinë, si dhe reformën administrative-territoriale.
Për të gjetur argumentat ligjorë, pro bindjes së Ramës, të shoqëruar dhe me qendrime politike kundër Presidentit të Republikës, u angazhuan 5 deputetë socialistë.
Ermonela Felaj, Armando Subashi, Vasilika Hysi, Pjerin Ndreju dhe Bashkim Fino, kanë derklauar se arsyetimet e kreut të shtetit, nuk janë ligjore.