Lavdrimi, Mentori, Boletini, Fatoni, Bashkimi, Rafeti, Bujari, Jetoni, Osmani, Hamza përbëjnë një skuadër luftëtarësh shqipëtarë në Siri. Ata janë dhjetë nga 150 kosovarët që kanë lënë gjithçka në Kosovë për të luftuar kundër regjimit të diktatorit Bashar al-Assad.
Kosovarët atje tashmë janë pozicionuar se në krah të kujt do të luftojnë. Jo në anën e opozitës, por me organizatën al-Nusra Front, një degë e Al Kaidës që udhëhiqet nga, Abu Mohammad al-Jawlan.
Koha Ditore, ka bërë një hulumtim për shkuarjen e kosovarëve në Siri. Ka mësuar identitetin e shumicës prej tyre, mënyrën e rekrutimit, organizata që besohet se merret me këtë, si dhe rrugët e shkuarjes. Gazeta ka konjtaktuar me të kthyer nga Siria dhe familjarë të tyre, që cilët nuk kanë pranuar të flasin shumë për luftën në siri. Xhihad po e konsiderojnë atë luftë. Për të tillë ka bërë thirrje njëri prej tyre.
Lavdrim Muhaxheri, 24 vjeç, nga Kaçanikum është njëri prej luftëtarëve të parë kosovarë që u është bashkuar radhëve të luftëtarëve të Sirisë.Lavdrimi ka shkuar së bashku me Naman Demollin. Demolli është “shahiti” i parë siç cilësohet nga përkrahës të tij. Në Kosovë, Policia e njëh mirë Lavdrimin. I ka përcjellë veprimet e tij, por nuk ka mundur të bëjë asgjë më shumë pos vëzhgimit të lëvizjeve, kontakteve dhe veprimeve. Asnjë prej veprimeve të tij në Kosovë nuk kanë bazë për hetimin penal. Ligjet në fuqi nuk sanksionojnë përfshirjen e shtetasëve kosovarë në konflikte jashtë vendit. Kosovarët në SIri janë kryesisht të tri rajoneve të Kosovës. /Koha Ditore/