Shkaku i kushteve atmosferike, Komuna e Dragashit është pa rrymë për më shumë se 24 orë.
Reshjet e borës që ranë së fundmi në vendin tonë, bënë që në Dragash të shkaktojë edhe prishje në rrjetin elektrik. Më të prekura janë zonat më të thella ku reshjet ishin më të mëdha, njofton Klan Kosova.
Zëdhënësi i KEDS-it Viktor Buzhala, konfirmoi se po përballen me prishje të sistemit në këtë komunë, ai madje tha se edhe shtyllat elektrike janë përtokë.
Mirëpo, shtoi se ekipet e kompanisë që furnizon me energji janë në këtë komunë dhe po mundohen të sanojnë prishjet sa më shpejt të jetë e mundur.