Shefi i Grupit të Kuvendarëve të PDK-së Simir Kransiqi, në mbledhjen e sotme të Kuvendit, akuzoi kryetarin e Prizrenit, Mytaher Haskuka, se kot po krenohet me të hyrat vetanake.
“Ju krenoheni se janë rritur të hyrat, që nuk është e vërtet. Sa do të hyjë në punë kjo rritje kur mbi 7 milion euro ju kanë shkuar në suficit”, tha ai, transmeton PrizreniSot.
“ Prandaj, kryetari dhe kabineti i tij janë të dështuar”.
Në vijim të fjalës së tij Krasniqi ia numëroi kryetarit Haskuka, shpenzimet e luksit të cilat sipas tij, në vitin 2018 janë rritur për 200 për qind.
Krasniqi e shtroi edhe një pyetje për kryetarin.
“A ishte premtim elektoral që punësimet do të jenë me transparencë të plotë dhe nuk do të ketë ndikime politike? pyeti ai dhe shtoi e keni mbushur Komunën me militantë politikë. Athua nuk ka Prizreni kuadër që punësoni militantë edhe nga Malisheva” tha Krasniqi.