Behgjet Pacolli mendon se situata në Kosovë është e pashpresë dhe se Koalicioni PDK-LDK do ta ketë të vështirë të mbijetojë, edhe pse në letra ngjan me koalicionin gjerman.
Kështu ka deklaruar ai, në një intervistë për Epokën e Re.
Pacolli ka paralajmëruar fuqizimin e AKR’së në skenën politike, duke thënë se ky subjekt politik u duhet qytetarëve të Kosovës, ndërsa ka bërë me dije se do të ketë ndryshime në ekipin dhe strukturat e partisë.
Lideri i AKR’së, në këtë intervistë, ka folur edhe për çmimin “Nderi i Kombit” që i është dhënë nga Presidenti i Shqipërisë, Bujar Nishani, duke thënë se me këtë dekoratë nuk është nderuar vetëm ai, por e gjithë Kosova.
Duke iu kundërpërgjigjur kritikëve, ai ka thënë se këtë çmim nuk e ka blerë, por e ka fituar me punë.
“Mos u bëni qesharakë me mitologjinë e blerjes së titujve. Nëse do të doja, do kisha blerë pushtet, institucione ose vota”, ka deklaruar Pacolli.