Maqedonia mbetet edhe pa ambasadorin në Berlin. Javën e kaluar ka dhënë dorëhqeje nga funksioni i ambasadorit Nenad Kolev, vetëm një muaj e gjysmë para se të udhëtojë drejt një prej qendrave më të mëdha dhe më të fuqishme europiane. Kolev, njëherësh ka dhënë dorëheqje edhe nga funksioni drejtor i drejtorisë së diplomacisë ekonomike në MPJ.
Kolev, dorëhqejen e ka dhënë më 9 korrik, për shkak të pakënaqësive dhe mospërputhshmërinë me ministrin e punëve të jashtme Nikolla Poposki. Kolev ka theskuar se në përgatitjet e fundit para se të shkojë si ambasador në Berlin ka marrë dilema serioze pasi është konsideruar si i paparashikueshëm.
Nga MPJ kanë pohuar se Kolev ka dhënë dorëheqje, por sipas tyre nga arsye personale. Nuk bëhet fjalë për mosbesim, pasi në këtë rast Kolev as që do të propozohej për ambasador në Berlin.
Por nga kjo ministri kanë nuk kanë dhënë ndonjë përgjigje s esi do të pranohet ky vendim nga Gjermania, e cila më 30 janar i kishte dhënë agreman ambasadorit t ëri, Nenad Kolev.
Në fakt, ky nuk është dështimi i vetëm dhe skandali i vetëm që e përfshinë MPJ-në pas ardhjes së ministrit Nikolla Poposki në kreun e diplomacisë së Maqedonisë.
Muaj më parë kishte refuzuar të shkojë në Moskë edhe ambasadori Nikolla Dimitrov, i cili pasi kishte marrë agreman nga shteti rus ka vendosur të tërhiqet nga detyra e deritanishme dhe të punojë në Hagë, në një prej institutet holandeze.
Porosi joserioze është dërguar edhe me Antonio Milloshoski, i cili kishte marrë agremanin për të shkaur ambasador në Kroaci, ndërsa ai vendosi që të mbetet deputet dhe njëherësh është zgjedhur nënkryetar i Kuvendit të Maqedonisë.
Të fitosh agreman nga shteti përkatës dhe në fund të mos shkosh në këtë shtet është skandal diploamtik dhe kjo tregon se Maqedonia po bllokohet çdo ditë e më shumë në vetvete duke krijuar çdo ditë e më shumë ftohje të marrëdhënieve diplomatike.