Policia në Prizren ka pranuar një informatë anonime e cila bënte me dije se një i dyshuar me një automjet të llojit Opell Askona po e dëmton një varr në varrezat ortodokse në fshatin Sërbicë e ulët.
Ngjarja ka ndodhur sot rreth orës 14:00. Pas pranimit të informacionit një patrullë policore e cila ishte më afër vendit të ngjarjes ka reaguar dhe shumë shpejt është identifikuar i dyshuari dhe drejtimi i tij i ikjes pasi i kishte vjedhur dy pllaka graniti.
Policia ka arritur ta ndalojë të njëjtin në Lagjen Arbanë, në afërsi të shtëpisë së tij. Pas kontrollimit të automjetit janë gjetur dy pllaka graniti të cilat janë sekuestruar në cilësi të provës materiale s bashku me veturën. Me urdhër të prokurorit të shtetit, i dyshuari ndalët nën arrest policor./PrizrenPress.com/