18.1 C
Prizren
E premte, 23 Maj, 2025

Sot fillon gjysmëvjetori i dytë

Sot në të gjitha shkollat fillore dhe të mesme të Kosovës pritet të fillojë gjysmëvjetori i dytë i vitit shkollor 2019/20.

Zyrtarë të Ministrisë së Arsimit kanë thënë se janë bërë të gjitha përgatitjet e duhura për fillimin e procesit mësimor.

Drejtori i Departamentit të Arsimit Para-universitar në Ministrinë e Arsimit, Alush Istogu, tha përmes telefonit për KosovaPress, se MASHT në bashkëpunim me të gjitha Drejtoritë komunale të Arsimit, ka bërë të gjitha përgatitjet e duhura për të filluar gjysmë vjetorin e dytë, ashtu siç është e paraparë me udhëzimin administrativ dhe kalendarin e vitit shkollor.

Istogu tha se në të gjitha shkollat e Kosovës do të fillojë procesi mësimor, përveç në Komunën e Kamenicës, për të cilën tha se nuk kanë informacion se a do të fillojë sot, krejt kjo për shkak të reformave në arsim që ka ndërmarrë kryetari i kësaj komune, Qendron Kastrati.

“Ministria e Arsimit në bazë të planeve dhe programit, gjysmë vjetori i dytë i këtij viti shkollor, sipas udhëzimit administrative dhe kalendarit shkollor, procesi mësimor fillon më 13 janar, dhe në kontakt me të gjithë drejtorët e drejtorive komunale të Arsimit dhe sigurisht edhe ata në koordinim me drejtorët e institucioneve shkollore, janë bërë të gjitha përgatitjet për fillimin e gjysmë vjetorit të dytë. Një problem i veçante mund të jetë në Komunën e Kamenicës, por tash nuk e di pasi nuk kemi informacione se si do të shkojë procesi rreth reformës së arsimit që e ka marrë kryetari i Komunës së Kamenicës”, tha Istogu.

Ai uroi të gjithë nxënësit dhe mësimdhënësit që në këtë gjysmëvjetor të jenë më të suksesshëm, në aspektin e realizimit të procesit mësimor dhe uron koordinim më të madh në mes të shkollave.

Më Shumë

Fshati Poslisht i Prizrenit josh shumë vizitorë

Investimet në disa fshatra të komunës së Prizrenit duket se kanë shtuar interesimin për turizmin rural. Në Poslishtë, Komuna investoi mbi 120 mijë euro...

Dështon edhe përpjekja e 20-të për konstituimin e Kuvendit

Për herë të 20-të ka dështuar përpjekja për konstituimin e legjislaturës së nëntë të Kuvendit të Kosovës. Edhe këtë herë, para vazhdimit të seancës,...

Postieri

Lajmet e Fundit