Dragashi është ndër komunat e rralla në Kosovë e cila nuk ndan bursa për studentët e kësaj komune. Kurse, studentët ankohen për këtë çështje, madje thonë që kjo që po ndodh me ta është e padrejtë, edhe pse sipas tyre nëpër fushata u është premtuar që studentët e suksesshëm do të përfitojnë bursa.
Sipas kryetarit të Komunës së Dragashit, Salim Jonuzi, kjo e fundit nuk ka shpërndarë asnjëherë bursa për studentët për arsye të mungesës së mjeteve buxhetore.
Ndërsa i pyetur se a ka pasur ndonjëherë kërkesa nga studentët e kësaj komune që ky kusht të plotësohet për ta sikurse ndodh me studentët e komunave tjera, ai tha se studentët i dinë mundësitë që i ka komuna dhe nuk ka pasur asnjëherë kërkesa për një gjë të tillë.
Mirëpo, edhe pse kryetari i Komunës, arsyetohet se nuk kanë buxhet për këtë gjë, studentët e thonë të kundërtën./KosovaPress/