Një person ka kërkuar ndihmë në stacionin e policisë në Suharekë pasi i njëjti ishte shantazhuar nga dy të dyshuar nga një fshat i po të njëjtës komunë.
“Rreth mesditës së 1 Majit, në Policinë e Suharekës , një qytetar ka kërkuar ndihmë pasi po i bëhej shantazh nga dy të dyshuar nga një fshat i Suharekës”.
“Gjatë hetimit të rastit hetuesit kishin kuptuar se të dyshuarit kishin hapur një profil të rremë në “Facebook” me emër të gjinisë femërore dhe gjatë komunikimit me viktimën e kishin vënë në lajthitje me ç’ rast nga i njëjti kishin kërkuar një foto komprometuese. Të dyshuarit pasi e kishin pranuar foton kishin filluar me kërkimin e parave disa herë radhazi”
“Dhe kur kërkesa shtohej vazhdimisht në qindra euro, policia e ndërpret shantazhin me ç ‘rast i arreston të dyshuarit dhe në konsultim me prokurorin e shtetit vendoset që të njëjtit të ndalën nën masën e arrestit”, bën të ditur policia rajonale e Prizrenit, transmeton Klan Kosova.