Një ngatërresë mes dy personave ka ndodhur dje në fshatin Studençan të Suharekës, në orët e mbrëmjes.
Përleshja, motivet e së cilës ende nuk dihen ka eskaluar në sulm fizik, ku për pasojë, një 55-vjeçar ka pësuar lëndime trupore.
Sinjali mëson se rasti ka ndodhur në një pjesë të fshatit, ku të të rinjtë ishin duke e zhvilluar një lojë futbolli, kur papritmas i dyshuari i ka shkuar viktimës derisa ishte i ulur dhe e ka grushtuar në kokë e fytyrë, duke i shkaktuar plagë.
Burimet e Sinjalit kanë bërë të ditur se i dyshuari M.J., 53-vjeçar i ka shkaktuar lëndime trupore viktimës, për çka ka kërkuar trajtim mjekësor në Qendrën e Mjekësisë Familjare.
Në momentin që njësia policore i është përgjigjur rastit, duke dalë në vendin e ngjarjes, i dyshuari ka arritur të ikë.
Sipas të njëjtave burime, me urdhër të prokurorit, rasti është iniciuar si “lëndim i lehtë trupor”, teksa kanë nisur hetimet për sigurimin e prezencës së të dyshuarit për këtë rast.