Duke marrë të dhënat nga burimet në enklavën e kontrolluar nga Hamasi, ministria e Shëndetësisë palestineze ka bërë të ditur se që nga nisja e konfliktit më 7 tetor numri i të vdekurve është rritur në 7,960 persona.
Sipas raportit të ministrisë gati 73% të të vrarëve janë popullsi e cënueshme, përfshirë fëmijë, gra e të moshuar.
Ndërkohë, është raportuar edhe për më shumë se 20,000 persona të plagosur, ndërsa është bërë e ditur se numrin e viktimave përfshihen edhe 116 personel mjekësor pasiqë sulmet ushtarake kanë goditur shumë spitale.
Ministria palestineze poashtu ka njoftuar se u është kërkuar evakuiimi 24 spitaleve në Gazën veriore.
Në anën tjetër, nga Gjysmëhëna e Kuqe Palestineze është njoftuar se janë pranuar 10 kamionë ndihma me furnizime ushqimore dhe nevoja mjeksore përmes pikës kufitare Rafah. Kujtojmë se, numri i përgjithshëm i kamionëve të pranuar deri më tani ka arritur në 94.