Në Teatrin e Prizrenit do të vijë premierë shfaqja “Të Drejtët” nga Albert Kamy. Kjo shfaqje do të jetësohet në skenë nga regjisori Mahir Musliu.
Në këtë shfaqje luajnë aktorët: Rifat Smani, Fetah Paçarizi, Xhevdet Doda, Edona Sopaj, Alban Morina, Zanë Duraku, Alban Krasniqi, Alban Çelaj dhe Ernest Malazogu.
Skenografia është realizuar nga Qamil Morina, ndërsa kostumografe është Semka Ferri.
Drama “Të drejtët” e autorit Albert Kamy është himn i sakrificës për liri. Në këtë dramë bëhet fjalë për problemin e ndërgjegjes individuale në realizimin e detyrave revolucionare.
Shfaqja do të vijë premierë më datë 10 maj në ora 20:00 në Teatrin e Prizrenit. Ndërsa repriza e parë vjen më datë 12 maj në ora 20:00. /KultPlus
