Shkruan: Fatmir Pireci
Të shqetësuar me gjendjen aktuale të sigurisë, të marrjes udhë të katrahurës sociale, të rënimit të vlerave të shtetit dhe të shtetndërtimit, të përdhosjes së vlerave elementare universale të të drejtave dhe të lirive të njeriut, rezikimit dhe përdhosjes së dinjitetit të personalitetit privat e zyrtarë, përmes terrorit me akte të dhunës dhe të anarkisë sociale, pjesa dërmuese e qytetarisë, sigurisht se shprehin shqetësimin e tyre ; si bartës të ndrrimeve shoqërore të viteve të ’90-ta, si intelektualë, si punëtorë, bujqë, nxënës, studentë, prindë , si qytetar të Republikës së Kosovës, për brengosjen serioze të rendit kushtetues , të rrënimit të vlerave të aritura të shtetndërtimit dhe të shtetësisë së Kosovës !
Në gjendjen aktuale kërcnohet jeta e secilit qytetar !
Mbi të gjithë më të rrezikuarit në këtë katrahurë të çmendur janë pjesëtarët e Policisë së Republikës së Kosovës. Ata janë të detyruar të qëndrojnë si barrikada përball eskadroneve të vdekjes, kapobosave të ndryshëm , bajraktarëve të nahive e fiseve , kriminelëve ordiner e inordiner !
Policia jonë i është ekspozuar, detyrimisht helmimit dhe rënimit të shëndetit duke qëndruar e thithur gazin lotësjellës dhe sprejëve të ndryshëm helmues!
Vetëdia jonë qytetare të ngrihet në mbrojtje të Uniformës së rendit dhe të rregullimit kushtetues, në mbrojtje të shtyllës së shtetiti të Republikës së Kosovës, në mbrojtje te shëndetit dhe familjeve te tyre !
Shoqëria Civile të ngrit zërin e arsyes dhe të mospajtimit me rrënimin e Shtetit, të flakë vandalizmin e një grusht njerëzish të cilët e kanë marr në duar fatin tonë kolektivë dhe të këthimit mbrapa të historisë !
Të gjinden forma dhe mjete adekuate demokratike për të protestuar dhe për të shprehur pakënaqësitë politiko- kombëtare, të ruhet uniteti social-qytetar në çështjet sublime strategjike kombëtare të Shtetit! Por, kursesi të lejohet që policia e jonë, e cila me shumë mund e sakrifica shekullore u ndërtua e u jetësua, sot ne të gjallët e këtij vendi e dënojmë me vdekje në vendin e punës dhe të nderit kombëtarë!
Apel patriotëve në mbrojtje të Uniformës policore të Republikës së Kosovës !