Këshilli Nacional i Shqiptarëve në Mal të Zi në bashkëpunim me OJQ-në Harmonia, të shtunën, nesër, më 12 tetor, në Shas (afër Ulqinit) mbajnë manifestimin, tashmë tradicional, “Ditët e poezisë shqipe Shas 2013”.
Sipas njoftimit të organizatorëve, i ftuari kryesor i këtij manifestimi është poti nga Kosova, Ibrahim Kadriu, autor i mbi 50 veprave nga të gjitha gjinitë letrare, për të cilat ka marrë thuaja të gjitha çmimet që ndahen brenda trojeve shqiptare.
Për veprën poetike të Kadriut do të flasë kritiku letrar dhe njohësi i krijimtarisë së poetit, Ramadan Musliu.
Në këtë manifestim atraktiv letrar organizatorët kanë ftuar, përveç poeteve vendore, edhe poete nga hapësira kombëtare: Irena Gjoni, poete nga Saranda, Fatime Kulli, poete nga Tirana, dhe Shqipe Hasani, poete nga Prishtina
Vjet mysafir i këtij manifestimi ishte Preç Zogaj nga Tirana.