Teatri i Prizrenit ka marrë emrin e aktorit të njohur, Bekim Fehmiut.
Vendimi është marrë sot nga Kuvendi i Prizrenit.
Thirrjet që kanë ardhur nga shoqëria civile, por edhe subjektet politike që veprojnë në Prizren për emërtimin e ndonjë institucioni kulturor me emrin e mjeshtrit të ndjerë të kinematografisë botërore, kanë qenë të shpeshta gjatë këtyre shtatë vjetëve të fundit, shkruan PrizrenPress.
Kryesusi i Kuvendit të Prizrenit, Kujtim Gashi tha se Kuvendi, votoi unanimisht që Teatri Profesionist i Qytetit të Prizrenit, të emërtohet me emrin e aktorit prizrenas me famë botërore, Bekim Fehmiu.
“Urime Teatrit, aktorëve, komunitetit artistik dhe të gjithë qytetarëve të Prizrenit, të cilët shpeshherë kanë kërkuar që njëri nga institucionet kulturore të Prizrenit, të emërtohet me emrin e Bekim Fehmiut”, shkruan Gashi në Facebook./PrizrenPress.com/