Në këtë e-mail, të cilin Klan Kosova e ka siguruar EKSKLUZIVISHT, të punësuarve të kësaj kompanie iu ofrua një pako dalëse, e cila përfshin dy mundësi.
Ata u njoftuan gjithashtu për hapat që do të ndërmerren në vijim për reformimin e tërësishëm të korporatës.
“a. Pensionimi i parakohshëm për personat të cilët/at dalin në pensionim gjatë viteve kalendarike 2023, 2024, 2025 dhe 2026, si dhe b. Marrëveshje vullnetare për ndërprerjen e kontratës së punës me benefitet e paracaktuara për punëtorin/en”, thuhet mes tjerash në e-mail.
Ata që firmosin për t’u pensionuar para kohe do të përfitojnë 60 për qind të pagës aktuale bruto për periudhën e mbetur deri në pensionim.
Punëtorët e Telekomit që vullnetarisht ndërpresin marrëdhënien e punës do të marrin 24 paga bruto përnjëherë.