Presidenti, Hashim Thaçi, ka treguar se ka dorëzuar në Gjykatën Kushtetuese komentet lidhur me mandatarin për kryeministër pas rrëzimit të qeverisë e drejtuar nga Albin Kurti.
Thaçi, në një konferencë për media, sot tha se fton që mos të ketë ndërhyrje në vendimet të cilat i merr Gjykata Kushtetuese, përcjell Gazeta Insajderi.
“Presidenca ka dorëzuar në Gjykatën Kushtetuese komentet për të mandatauarin nga Lidhja Demokratike e Kosovës. E theksoj edhe njëherë që Gjykata Kushtetuese duhet të punoj e pa ndikuar nga partitë politike, nga shoqëria civile e as nga ndërkombëtarët. Ftoj që të respektohen institucionet e pavarura”, ka thënë Thaçi.
Tutje Thaçi ka shtuar se nuk duhet të mbahen peng zyret e institucioneve të vendit, pas vendimit të Kuvendit të Kosovës.
“Të gjithë duhet ta respektojnë procesin elektoral të 6 tetorit dhe askush nuk ka të drejtë të pretendojë të mbaj të uzurpuar zyret e institucioneve të vendit sidomos pas vendimit të vendit të Kuvendit të Kosovës”, ka thënë Thaçi