21.8 C
Prizren
E martë, 23 Korrik, 2024

Thaçi e Jacobson dënojnë sulmin ndaj pjesëtarëve të EULEX-it

Thaçi e JacobsonKryeministri i Kosovës, Hashim Thaçi, ka dënuar ashpër sulmin e armatosur kundër pjesëtarëve të EULEX-it, në afërsi të Zveçanit, ku si pasojë ka humbur jetën një pjesëtar i misionit evropian.

“Ky sulm kundër pjesëtarëve të EULEX-it është një akt i shëmtuar dhe qyqar kundër sundimit të rendit dhe ligjit edhe në atë pjesë të territorit të Republikës së Kosovës dhe si i tillë është i dënueshëm nga qytetarët dhe institucionet e Kosovës”.

“Qeveria, në bashkëpunim me EULEX-in, KFOR-in dhe partnerët tjerë ndërkombëtarë është e vendosur që të vazhdojë t’i kryejë obligimet e veta kushtetuese dhe ligjore për fuqizimin e sundimit të rendit dhe ligjit në tërë territorin e Kosovës, me theks të veçantë edhe në pjesën veriore të vendit”, thuhet në deklaratën e Thaçit.

Ai po ashtu ka kërkuar nga organet kompetente që menjëherë të ndërmarrin të gjitha masat e domosdoshme që kryerësit e këtij akti që ka ndodhur sot, të nxirren para drejtësisë dhe të marrin dënimin e merituar.

Ndërsa ambasadorja amerikane në Prishtinë, Tracey Jacobson shprehu keqardhje për vrasjen e pjesëtarit të EULEX-it në rajonin e Zveçanit.

Më Shumë

ZPS-ja dorëzon aktakuzë të ndryshuar për Isni Kilajn

Zyra e Prokurorit të Specializuar të Kosovës me seli në Hagë, ka dorëzuar aktakuzë të ndryshuar për ish-kryetarin e Malishevës, Isni Kilaj. Ai po akuzohet...

Aksident i rëndë mes katër veturave në autostradën “Ibrahim Rugova”, lëndohen 8 persona

Tetë persona kanë pësuar lëndime trupore si pasojë e një aksidenti që ka ndodhur pasditen e së dieles në autostradën “Ibrahim Rugova”. Lajmin e ka...

Lajmet e Fundit