Zëvendëskryeministri i parë i Kosovës, njëherësh Ministri për Punë të Jashtme, Hashim Thaçi, nga Parisi ka konfirmuar se tentativa e Serbisë që votimi për anëtarësimin e Kosovës në UNESCO nga Asambleja e Përgjithshme të shtyhet deri më 13 nëntor ka dështuar.
Përmes llogarisë së tij në rrjetin social Facebook, Thaçi ka shkruar se votimi për Kosovën në UNESCO do të bëhet këtë të hënë, duke e quajtur vendimin si një fitore të vogël procedurale për Kosovën.
Më poshtë gjeni shkrimin e plotë të Thaçit:
Edhe një fitore e vogël por e rëndësishme procedurale sot në UNESCO. Tentativa serbe që votimi të shtyhet me 13 nëntor, kur edhe shumë shtete e lëshojnë Parisin, nuk pati sukses. Votimi u konfirmua për të hënën. /Telegrafi/