Drejtoresha e Drejtorisë Komunale të Arsimit, Xhemile Thaçi -Vezgishi sot me rastin e mbajtjes së pjesës së dytë të Provimit të Maturës për afatin e dytë, ka vizituar disa qendra të testimit në shkolla të mesme të larta të komunës së Prizrenit.
Gjatë këtyre vizitave drejtoresha Vezgishi nga zyrtarët e MASHT-it, të DKA-së dhe drejtorët e shkollave përkatëse u informua se procesi po vazhdon në mbarëvajtje.
Me këtë rast drejtoresha iu ka uruar sukses të gjithë nxënësve që kanë hyrë në këtë provim.