Rreth orës 08:10 minuta, në rrugën “Hysni Morina” në Prizren, ka ndodhur një rrahje në mes të dy personave, që për pasojë njëri nga të përfshirët në sherr ka përfunduar në Emergjencën e Spitalit Rajonal për shkak të plagëve të pësuara nga thika.
Sipas mjekëve, plaga cilësohet të jetë e rëndë, ngase thika i ka prekur mushkërinë dhe se duhet intervenim kirurgjik.
Në vazhdën e hetimit të rastit, policia ka kryer hetime intensive për arrestimin e të dyshuarit i cili është i njohur për policinë por i njëjti nuk është gjetur gjer me tani.
Ende nuk dihen rrethanat dhe motivi i rastit përveç se nuk është hera e parë që këta të dyshuar kanë pasur probleme të pa zgjidhura në mes vete. /PrizrenPress.com/