Kryetari i Prizrenit, Shaqir Totaj, pret një performancë të mirë të qeverisjes në këtë mandat.
Ai tregon se procesi i krijimit dhe funksionalizimit të strukturave drejtuese ka kërkuar kohë dhe koordinim me partnerët e koalicionit.
“Besoj dhe shpresoj që do të kemi një performancë të mirë”, tha Totaj për TV Prizren.
Sipas tij, gjatë kësaj periudhe janë marrë propozimet nga partitë pjesë e koalicionit qeverisës dhe është arritur të emërohet shumica e drejtorëve komunalë.
Totaj bëri të ditur se vetëm Drejtoria e Financave ka mbetur ende pa u kompletuar, ndërsa pritet që edhe kjo të ndodhë së shpejti.
Ai vlerësoi se drejtuesit e rinj do të përballen me sfida më të mëdha gjatë vitit të parë të mandatit, por shtoi se vitet pasuese pritet të jenë më të lehta nga aspekti i funksionimit institucional.
“Konsolidimi i strukturave drejtuese do të ndikojë drejtpërdrejt në rritjen e efikasitetit të administratës komunale dhe në përmirësimin e shërbimeve për qytetarët”./PrizrenPress.com/
Marketing
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
