Në natën e ndërrimit të moteve kryetari i Prizrenit, Shaqir Totaj, ka vizituar zyrtarët policor, stafin shëndetësor dhe zjarrfikësit për t’iu shprehur respektin për punën në shërbim të shëndetit publik dhe sigurisë së qytetarëve.
“Janë disa profesione që nuk pushojnë gjatë gjithë vitit, nga të cilat, ne, qytetarët e Prizrenit, e kemi të garantuar sigurinë në çdo aspekt. Vizitova sonte zyrtarët policor, stafin shëndetësor dhe zjarrfikësit për t’iu shprehur respektin për punën në shërbim të shëndetit publik dhe sigurisë së qytetarëve tanë. Në këtë ndërrim motesh, Policia, Zjarrfikësit dhe Emergjenca, garantojnë sigurinë dhe shëndetin për qytetarët e Komunës së Prizrenit. Faleminderit dhe mirënjohje për punën tuaj. Urime Vitin e Ri 2023, të gjithëve!”-është shprehur Totaj./ PrizrenPress.com