Partia Demokratike e Kosovës (PDK) ka mbajtur një tubim me anëtarët dhe simpatizantët e fshatit Velezhë të Prizrenit, ku Kryetari i degës së PDK-së në Prizren, Shaqir Totaj, së bashku me kandidatët për deputet në Kuvendin e Kosovës, kanë prezantuar programin e tyre për qeverisje.
Totaj gjatë fjalimit të tij theksoi se gjatë katër viteve të kaluara të qeverisjes në komunën e Prizrenit është arritur progres dhe zhvillim, dhe theksoi se ky sukses mund të realizohet edhe në nivelin nacional me PDK-në në pushtet.
Kandidatët për deputet të PDK-së, nga ana e tyre, premtuan se do të jenë një zë i fuqishëm për qytetarët në Kuvendin e Kosovës, duke u angazhuar për përmirësimin e kushteve dhe zgjidhjen e problemeve të qytetarëve.
Në fund të tubimit, përfaqësuesit e PDK-së bënë thirrje për mbështetje masive nga banorët e fshatit Velezhë në zgjedhjet e ardhshme, duke besuar se PDK-ja do të sjellë ndryshime pozitive në nivel nacional./tv prizreni /
Marketing
