Tufë derrash të egër kanë shkaktuar aksident trafiku në autostradën “Ibrahim Rugova”,
Aksidenti ka ndodhur afër fshatit Duhel të Suharekës, si pasojë ngasësi i automjetit ka marrë lëndime.
Rastin e ka bërë të ditur zyrtarja e policisë Luljeta Mehmeti.
“Ju njoftojmë se rreth orës 19:40 në autostradën Ibrahim Rugova, përkatësisht në Duhel, një veturë me targa vendore ka goditur një tufë derrash të egër. Vozitësi i veturës ka marrë lëndime trupore si dhe sipas informacioneve qe kemi deri tash gjendja e tij është stabile”, ka thënë Mehmeti.
Sipas Mehmetit, derrat janë larguar nga rruga, dhe qarkullimi i automjeteve është normalizuar./Telegrafi/