Kryeministri i Shqipërisë, Edi Rama ka ndarë një fotoalbum të momenteve të djeshme në seancën e Këshillit të Sigurimit të Organizatës së Kombeve të Bashkuara të cilën e drejtoi Shqipëria.
“Mirëmengjesi dhe me fotoalbumin e ditës më krenare të Shqipërisë në historinë e marrëdhënieve tona ndërkombëtare, ju uroj një ditë të mbarë”, shkruan Rama në Facebook.
Nga selia e OKB-së në New York, kryeministri shqiptar hapi diskutimin e nivelit të lartë mes përfaqësuesve të shteteve anëtare në Këshillin e Sigurimit.
Ai përmendi edhe Kosovën, në një debat të acaruar me palën ruse në Këshillin e Sigurimit, gjersa po diskutohej agresioni ndaj Ukrainës.