Shoqata për Kulturë dhe Art “Fidani” – Prizren organizoi sot manifestimin e 31-të tradicional poetik “Ditët e Lidhjes”. Ky aktivitet u mbajt për të shënuar përvjetorin e Lidhjes Shqiptare të Prizrenit.
Poetët fillimisht vendosën lule në memorialin e Lidhjes Shqiptare të Prizrenit dhe më pas defiluan nga Muzeu i Lidhjes Shqiptare të Prizrenit deri te Muzeu Arkeologjik.
Gjatë orës letrare të manifestimit “Ditët e Lidhjes”, poetët lexuan poezitë e tyre, duke sjellë frymën poetike dhe historike të kësaj ngjarjeje të rëndësishme për kulturën shqiptare./PrizrenPress.com/