Çezma ishte ndërtuar nga Emin Pasha i familjes Rrotllaj. Sipas Haxhi Berishës, 85-vjeçar, kjo çezme është ngritur nga Emin Pasha, i cili i takonte familjes Rrotllaj, familje aristokrate e Prizrenit e shek. XVIII-XIX
Nga e kaluara e bujshme historike, qyteti i Prizrenit ka trashëguar një numër të madh objektesh kulturo -historike. Më të rëndësishme janë: Kompleksi i Shatirvanit, Nënkalaja, Marashi, Kalaja, Kisha e Shën Premtes, Kisha e Shën Shpëtimit, Xhamia e Bajraklisë, Xhamia e Safi Sinan Pashës, Hamamet e qytetit, krojet e qytetit.
Prizreni shquhet edhe për krojet e shumta në kënde të ndryshme të qytetit. Një prej tyre është edhe “Pasha çesma” që ndodhet mbi kalanë e qytetit.
Prizreni është i rrethuar nga bjeshkët e larta, prej nga rrjedhin ujërat e çiltër e të ftohtë. Shfrytëzimi i ujit të pijshëm nga burimet e shumta të hapësirës së qytetit të lashtë është i hershëm./Kosova Sot/