Njohësi i çështjeve të integrimeve, Emrush Ujkani, ka vlerësuar se procesi i kthimit të qytetarëve nga vendet e Bashkimit Evropian do të jetë sfidë për Qeverinë e Kosovës.
Ai ka thënë se institucionet shtetërore përveç sistemimit të qytetarëve të kthyer duhet të mendojë edhe për një zgjedhje më afatgjate, konkretisht t’i qasen bashkëpunimit me vendet e BE-së për punësim sezonal.
Ujkani tha se institucionet duhet t’i ndryshojnë skemat sociale dhe një pjesë të buxhetit të orientohet për çështjet emergjente. Ai ka thënë se migrimi ilegal i qytetarëve ka ndikuar negativisht në procesin e liberalizimit të vizave.
Ai tha se këtë vit nuk do të ketë liberalizim të vizave për qytetarët e Kosovës. /Epoka e Re/