-6.2 C
Prizren
E enjte, 9 Shkurt, 2023

Ukraina gati të rifillojë armëpushimin

Petro Poroshenko-ukrainePresidenti ukrainas Petro Poroshenko thotë se është gati të rifillojë një armëpushim me separatistët pro-rusë, nëse plotësohen disa kushte.

Në faqen e internetit të presidentit ukrainas sot thuhet se ai ka biseduar për situatën në Ukrainën lindore në një bisedë telefonike me nënpresidentit amerikan Xho Bajden, raporton VOA.

Sipas faqes së internetit, Poroshenko i ka thënë nënpresidentit Biden se ai është i gatshëm të rifillojë armëpushimin pasi të marrë konfirmimin se ai do të respektohej nga të dyja palët, pas lirimit të të gjitha pengjeve dhe pasi të vihet kontrolli mbi kufirin mes Ukrainës dhe Rusisë me monitorim nga ana e Organizatës për Siguri dhe Bashkëpunim në Evropë (OSBE).

Presidenti Poroshenko me 20 qershor shpalli një armëpushim të njëanshëm një-javor dhe pastaj e zgjati atë për tre ditë të tjera. Duke përmendur mungesën e bashkëpunimit nga rebelët, ai nuk pranoi ta zgjaste përsëri armëpushimin dhe të martën urdhëroi fillimin e operacioneve të reja ushtarake kundër seperatistëve pro-rusë.

Sot më herët, Petro Poroshenko emëroi zyrtarë të rinj në postet që lidhen me mbrojtjen e vendit, ndërsa zyrtarë evropianë po kërkojnë të zhvillohen bisedime që synojnë ndalimin e luftimeve mes ushtrisë ukrainase dhe separatistëve pro-rusë.

Qeveria e Ukrainës njoftoi sot emërimin e Valery Heletey-t në postin e ministrit të mbrojtjes, ndërsa Viktor Muzhenko është emëruar si shef i shtabit të përgjithshëm të ushtrisë.

Dje ministrat e jashtëm të Ukrainës, Rusisë, Francës dhe Gjermanisë u takuan në Berlin dhe thanë se bisedimet që synojnë rifillimin e armëpushimit mes ushtrisë ukrainase dhe rebelëve pro-rusë duhet të fillojnë jo më vonë se dita e shtunë.

Më Shumë

Lajçak i kënaqur që Kosova ka pranuar në parim propozimin e BE-së

Përfaqësuesi special i Bashkimit Evropian për dialogun Kosovë-Serbi, Miroslav Lajçak është shprehur i kënaqur që Kosova ka pranuar në parim propozimin e Bashkimit Evropian...

SHBA mirëpret vendimin e Kosovës për pranimin në parim të Planit evropian

Ambasadori i Shteteve të Bashkuara të Amerikës në Kosovës, Jeffrey Hovenier ka thënë sot se SHBA-të mirëpresin vendimin e Kosovës për të pranuar në...

Lajmet e Fundit