16.8 C
Prizren
E enjte, 28 Mars, 2024

A gjendet traseja e autostradës mbi ndonjë lokalitet arkeologjik?!

Edi Shukriu-arkeologeLajmi për fillimin e ndërtimit të autostradës Prishtinë-Shkup ka ngritur në publik një çështje sa i përket trashëgimisë sonë kulturore e materiale.

Arkeologia Edi Shukriu përmes një postimi të saj në Facebook ka ngritur dilemën nëse traseja e paraparë për ndërtimin e kësaj rruge ekziston mbi ndonjë lokalitet arkeologjik.

Shukriu madje vlerëson se para fillimit të realizimit të këtij projekti është dashur të shqyrtohet kjo çështje me qëllim të hulumtimit të gjetjeve të reja arkeologjike.

“Arkeologët në botë gëzohen kur ndërtohen rrugët e reja e autostradat – është rast i mirë të zbulohen lokalitetet e reja arkeologjike. Se si nuk kam dëgjuar se a është bërë përnjohja e terrenit gjatë gjithë trasesë së autostradës në drejtim të Shkupit para nismës së punimeve. Tjetër është çështja e prezencës së arkeologëve gjatë vetë punimeve”, ka shkruar Shukriu.

Arkeologia kosovare me këtë rast ka tërhequr një paralele me jë përvojë jo të mirë në rastin e autostradës në drejtim të Merdares.

“Mos po ngutemi gjë e na del si në rastin e autostradës në drejtim të Merdares – ta kemi vetëm një lokalitet arkeologjik (Poslishten). E di se do të thonë se është krejt në rregull, sa e di se nuk është”, ka theksuar arkeologia Edi Shukriu.

Më Shumë

243 drunj në nderim të 243 të vrarëve në Krushë të Madhe

Shpimi i tokës duket jo i lehtë. Megjithatë në të po vendoset një dru dekorativ. Në parkun para shkollës fillore “Bajram Curri” në Krushë të Madhe...

Rexhaj: Jam i sigurt që opozita nuk i jep nënshkrimet për të shkuar në zgjedhje

Arbër Rexhaj nga Lëvizja Vetëvendosje, ka thënë se kjo opozitë nuk i jep nënshkrimet për të shkuar në zgjedhje. “Jam shumë i sigurt që kjo...

Lajmet e Fundit