Universiteti publik “Hasan Prishtina” aktualisht është pa udhëheqje. Rektori dhe prorektorët tashmë kanë dhënë dorëheqje, ndërsa Këshilli Drejtues ka paralajmëruar që sot të emërojë në vend të tyre ushtrues të detyrës.
Njëri nga të përfolurit për postin e ushtruesit të detyrës së rektorit, Ethem Çeku, sipas burimeve të Koha.net ka refuzuar të pranojë këtë rol.
Sipas kryetarit të Këshillit Drejtues të UP-së, Muharrem Nitaj ushtruesit e detyrës do të emërohen për një afat të caktuar kohor e me përgjegjësi të kufizuara, deri në zgjedhjet e reja në UP. Nitaj u ka thënë medieve se zgjedhjet do të mbahen pas ndryshimeve në Statutin e Universitetin e Prishtinës dhe në Ligjin për Arsimin e Lartë.