Ceremonitë mortore në varrezat e lagjes “Arbana” në Prizren po zhvillohen më vështirësi. Kjo ngase në këtë vit akoma nuk është kositur bari në to.
Qytetarët që po u humbin familjarët, po detyrohen që të kositin pak metra barë për të hapur varrin. Banorët e asaj zone po kërkojnë ndërhyrjen e Komunës.
“Këto në foto janë varrezat e lagjes Arbana, siç po shihen janë në një gjendje kaotike sepse bari është rritur aq shumë sa që gati e pamundëson edhe ceremoninë e varrimit. Mbesim me shpresë se do filloni largimin e barit nga varrezat. Ju faleminderit”, thuhet në reagimin e një qytetari drejtuar Komunës së Prizrenit
