Aktorja Carmen Zapata, e cila arriti suksesin me rolin e saj në filmin “Sister Act”, ka vdekur të dielën në Los Angeles në moshën 86-vjeçare.Ajo u nderua me yll në “Walk of Fame” për karrierën e saj 60-vjeçare, të cilën e filloi në New York në vitin 1946.
Vdekja e saj nga problemet me zemër u konfirmua edhe nga përfaqësuesit e saj në Bilingual Foundation of the Arts në Los Angeles, të cilën Zapata e kishte themeluar në vitin 1973.
“Ajo ishte një aktore e kompletuar, përkthyese, producente dhe një lidere e komunitetit që ishte nderuar edhe nga Mbreti Juan Carlos i Spanjës”, thuhej në biografinë e grupit.
Ajo ishte 19-vjeçe kur debutoi në teatrin e famshëm Broadway si anëtare e korit në dramën “Oklahoma”. Përveç kësaj drame ajo luajti edhe në seritë si: “Room 222”, “Bonanza” dhe “The New Dick Van Dyke Show”.