Më mijëra euro të buxhetit ka kursyer Rektorati i Universitetit të Prishtinës vetëm gjatë muajit janar, duke ua ndalur një numri të madh profesorësh të ardhurat mujore.
Fjala është për kategorinë e profesorëve, të cilët paralelisht me punën në Universitet mbajnë edhe një apo më shumë vende pune jashtë tij, bëjnë të ditur burime të “Kohës Ditore” brenda UP-së. Rektorati ka paralajmëruar se nuk do t’u japë pagë të rregullt, e as gjysmë normë profesorëve që janë zgjedhur ose emëruar në poste të tjera, jashtë Universitetit, përcjell koha.net. Të tillët do të paguhen vetëm për orët e mbajtura mësimore.
Në të kundërtën, u ka bërë thirrje që të deklarohen se për cilin post do të përcaktohen, por një numër i madh i tyre këtë përgjigje e kanë lënë pezull.
Ata as nuk i kanë lëshuar vendet e punës jashtë Universitetit, dhe as nuk e kanë refuzuar kontratën me këtë institucion, sipas vendimit më të fundit të Rektoratit në lidhje me kontratat e dyfishta të punës.
Drejtues të Rektoratit të UP-së kanë bërë të ditur për gazetën se deri tash janë gjithsej 14 profesorë, të cilët kanë hequr dorë nga kontratat e dyfishta dhe kanë lënë poste të rëndësishme jashtë tij, duke vendosur të mbajnë kontratë të rregullt pune me Universitetin